«Clamor de malis quæ fecit Bernardus» monasterio Cluniacensi.
De malis quę fecit Bernardus domno Odiloni abbati et monachis Cluniensibus, et de conventione quam cum eis habuit. Dedit eis silvam in proprio, et ipse misit porcos suos. Odo monachus accepit vadios. Bernardus fecit reddere, Odoque fecit eos interficere, et Bernardus fecit emendare. In ipsa silva habet unam villam quę habet Massilium, quam dederat monachis; sed ipse habet servicium, et monachi nihilum. Totam terram Sanctę Marię tenent homines qui in ipsa terra sunt sine ulla rectitudine. Bernardus enim accipit totum; jornales cotidie castello faciunt, canes pascunt, taias operantur, ligna deportant. Odo monachus accepit de terra Sanctę Marię taschias, Bernardus fecit reddere; et cętera inaudita mala quę perpetravit, quę hic scribere nimis longum extimavi.